terug naar 1305
.
A° 1306 .
.
Dit is Bernts vutgheven ende die cost dien hi ghedaen hevet in derselver baeliuscap in den jaren ons Heren dusent drie hondert ende sesse .
.
.
036
In den eersten des donredaghes in die Pasche weke was Bernt te Muden ende dingede jeghen Jan Diere ende Heyle Lappe ende hore kinder ,
verterde hi mit sinen knapen xi s .
.
.
037
Item des andren manendaghes na Paschen was Bernd te Wesepe , te dinghen jeghen Arnout Scale , om tsheren ghelt dat hi op gheboert hadde van Peter Veren Aelmoede soen , van Gherart Roden weghen ,
verterde hi mit hem ix £ xvi s .
.
.
038
Item des andren donresdaghes na Paschen was Bernt te Muden op den dyc ende dingede jeghen Jacob Scrivers erfname ,
verterde hi mit hem achtende xxij s .
(dijk)
.
039
Item des vridages ende des saterdaghes daer na was Bernd tot Amestelredamme alse tland te versiene hoet stoede ,
verterde hi xviij sc . ix d .
.
.
040
Item des soenendaghes daer na doe hi die leemte zoende van den wive die Lambrecht Spiker scoet mit Willem van Cleve in die meente ,
verterde hi xviij s . ix d .
(daerna)
.
041
Item des manendaghes ende des dinsdages vor sinte Marcus dach was Bernd tot Amestelrevene te dinge
ende verterde xxv s.
.
.
042
Item des donredages vor sinte Marcus daghe doe die here van Arkle Giesebrecht vten Wilghen sende an die scepen van Wesepe , van Muden ende van Goyland hem daertoe te wisen hoe hi die zoene best mit redene seggen mochte van den doden wive ,
verterde hi viij s . ix d.
.
.
043
Item des soenendaghes na Meye daghe doe men teerste derdendeel betaelde van der zoene van Dideric Hillen soens doot ,
verterde Bernd te Wesepe xiij s . ix d .
(’t eerste)
.
044
Item des donredaghes daer na doe was Bernd op die Loesdrecht ende soude verwinnen Bergher ende Nannekin van vechten ,
verterde hi xiiij s . vi d .
.
.
045
Item des satersdaghes voir sinte Pancraes dach was Bernd te Hilfercem jeghen die scepen ende jeghen die beclaghet waren van den doden wive te spreken , dat si der zoene souden volghen die de here van Arkle seggen soude bi den goeden luden ,
verterde hi xi s . iij . d .
.
.
046
Item des donresdaghes na Pinxtren was Bernd te Wesepe te uten die zoene tusschen Clavemers soen ende Peter Loenen ,
verterde hi xv s . iij d .
.
.
047
Item des anderen manendaghes ende des dinsdaghes na Pinxtren was Bernd tot Amstelredamme ende sette daer scepen ende besach die slusen ,
verterde hi xxviij s.
.
.
048
Item des andren donresdages na Pinxtren was Bernd te Loenen ende seyde die zoene tusschen Nannekin ende Bergher ,
verterde hi xiiij s .
(tuisschen)
.
.
1e Summa x £ xvi s.
.
.
049
Item des manendaghes na sinte Bonifaes dach was Bernd te Wesepe te dinge ende tlant te versiene ,
verterde hi ix s . ix . d .
.
.
050
Item des dinsdaghes daer na was Bernd te Muden ende ontfinc borghe van der zoene tuschen Alebrecht van der Ha ende Polsevorns kinder ,
verterde hi xix s . iij d .
.
.
051
Item des vridages na sinte Bonifaes dach was Bernd te Nichtevecht ende seide die zoene tusschen Hanoghen kinder ende Polsevorns kinder ,
verterde hi viij s . iij d .
.
.
052
Item des manendages na sinte Odulfs daghe was Bernd te Wesepe ende seide die zoene tusschen Hoghe Teden ende Jacob den Goyer ,
verterde hi xv s . vi d.
.
.
053
Item des dinsdaghes daer na was Bernd te dinge tot Amestelrevene ende tland te besiene ,
ende verterde xiij s . iij d .
.
.
054
Item enen bode die liep tot Amestelredamme , te Diemen ende te Wesepe , om die scouten dat si quamen mitter meester haest Bernd te spreken ter Ouder Amestel ,
xviij d .
.
.
055
Item des woensdaghes na sinte Odulfs dach doe Bernd den lude verbeyde vten lande van Amestel , die hi ontboden hadde alse mit hem te varen om die lude te vaen die die coyen namen mit Jacob Nellen soen ,
verterde hi iij £ vij s . iij d .
.
.
056
Item ter selver tyt doe Bernd die coyen weder haelde vuytten lande van Amestel die Jacob Nellen soen ende sine ghesellen ghenomen hadden ende die lude venc , doe gaf hi dien van Amestelrevene ende van Oude Amestel
i vat biers , dat coste xv s.
(terselver, voor vuytten leest Smit mitten)
.
057
Item ter selver tyt dien van Amestelredamme
i vat biers , xv s .
.
.
058
Item dien van Diemen
i vat biers , x s .
.
.
059
Item dien van Wesepe
i vat biers , x s .
.
.
060
Item op der selver reyse verterden si achte des heren knapen van Arkle mit horen perden ,
x s . ix d .
(derselver)
.
061
Item Jans Clercs linnen cleder , hosen , coucen ende scoen xl s.
.
.
062
Item verterde Bernd in tuelef reysen die hi dede om tghelt dat mijn heer den biscop after staet alse van der zoene van Heyne Wiben soens doet ,
ix £ xij s . ix d.
(’t ghelt, afterstaet)
.
063
Item des soenendaghes na sinte Jans daghe te middezomer was Bernd op die Losdrecht om een wedersproken ordeel dat daer beroepen was ,
ende verterde daer xiij s . vi d .
.
.
064
Item in sinte Pieters ende sinte Pauels daghe was Bernd te Muderberghe , alse om enen tuuch te horen van ere huus soekinge ,
verterde hi xiij s . ix d .
(huussoekinge)
.
065
Item des anderen daghes daerna was Bernd te Emmenesse , ende wachte Florans den onledeghen , die daer sine scoute sende ,
ende verterde des nachts te Hilfercem xi s .
(Onledeghen)
.
066
Item des soenendaghes na sinte Peters ende sinte Pouwels daghe was Bernd op der Zidewinde alse die zoene vort doen te gane van Dideric Hillen soens dode ende daer tontfane dat ander derdendeel van den ghelde ende bleef des nachts te Wesepe ,
verterde xi s . ix d .
(t’ ontfane)
.
067
Item op sinte Martijns dach translatio was Bernd te Muden om die ghisele te spreken die beseghet waren van der meente , dat si te Vredelant in comen of men soudse bornen ,
verterde ix s . vi d.
(Translatio)
.
068
Item des soenedaghes ende des manendaghes na sinte Martijns dach translatio was Bernd tot Amestelredamme tot myn here dien biscop daer
verterden sine knapen mitten perden xviij s.
(Translatio)
.
069
Item ter selver tyt worden vier waterlander ghevangen die vochten up Eppensloet , daer Bernd des nachts omme reet ende dedse hoeden ende des andren daghes bringhen te Vredeland
verterden die boden die se brochten ende wachten , xxxi s. vi d .
(terselver tijt, Yppensloet)
.
.
ij Summa xxvi £ xvij s . iij d.
.
.
070
Item des dinsdaghes na sinte Jacobs dach was Bernd tot Amestelrevene te dinge ende t land te versiene ,
verterde ix s .
.
.
071
Item des dinsdaghes na sinte Peters dach vincula sende Bernd Ghisebrecht vten Wilghen mit sine knapen te Narden , doe die van Narden vochten onder hem selven , alse dat te vreden ,
ende verterde daer in tueen daghen xxvij s .
(hemselven)
.
072
Item des donresdaghes na sente Lauwerens dach sende Bernd Ghisebrecht vten Wilghen mit sinen knapen daer Claus vte Holland comen soude te rechte ende sine borghen quite doen scelden ende hem vermeten hadde mit ghewounde te gane van den rechte ,
verterden si xxxi s . ix d .
(ghewoude)
.
073
Item des sonnedaghes vor onsen Vrouwen dach te midden oeghst was Bernd ter Zidewinde daer men mitter soene volvoer ende orvede dede van Dideric Hillen soens doot ,
ende verterde mittenknapen die hi daer ghebeden hadde xxi s . vi d .
(middenoeghst)
.
074
Item des manendaghes vor sinte Bartholomeus dach , was Bernd te Wesepe te dinge ende t land te besiene ,
verterde hi xiiij s . ix d.
.
.
075
Item des donresdaghes na sinte Bartholomeus dach was Bernd te Muden te dinge teghen Jan Brunt , alse om enen onrechten anevanc van torve ,
verterde hi xxx s . ix d .
.
.
076
Item des satersdaghes na sinte Bartholomeus dach was Bernd te Muderberghe te dinge jeghen Hanneken Zwarts soen , om dat hi torf wech voerde over besettinge ,
ende verterde daer mit hem tienden xviij s . vi d .
(Zivartssoen) vergelijk № 104
.
077
Item des donresdaghes na sinte Jans dach decollatio sat Bernd te Hilfercem te rechte , alse van ere coerwonde daer die man of ontdraghen wart die mense ane teech ,
ende verterde xvi s . vi d.
(Decollatio, men se aneteech)
.
078
Item des vridages na sinte Jans dach decollatio sende Bernd Henric sinen broeder ende Ghisebrecht vten Wilghen tot Amestelredamme teghen smale Ghisen ende jeghen die ghene die handdadich waren an Diderics dootslach van Cleve , of si an den here daer of bleven wilden ,
verterden si ix s . vi d .
(Decollatio)
.
079
Item des dinsdages vor onser Vrouwen dach nativitas was Bernd te Bussen mit x knapen daer Henric Rikosende soen claghede mit sire coerwonde ,
verterde hi xv s.
(Nativitas, Rikesendesoen)
.
080
Item des manendages na onser Vrouwen dach nativitas was Bernd te Wesepe daer scele Lubbrecht claghede mit sire coerwonde ,
verterde hi mitten ghenen die hi daer toe ghebeden hadde xxxi s . ix d .
(Nativitas)
.
081
Item des donresdages ende des vridages vor sinte Lambrechts dach , doe mijn heren was tot Amestelredamme ,
verterden Bernds knapen in die herberghe xxi s . ix d.
.
.
082
Item op sinte Matheusdach was Bernd te Narden ende verlengede vort den vrede tuschen Arnoud van Campen ende Fayer,
verterde hi xi s . iij d .
.
.
083
Item des andren daghes na sinte Michiels dach was Bernd tot Amestelredamme , daer Claus vte Holland claghede mit sire leemte ende mit sinen coerwonden ,
verterde hi xix s . vi d .
.
.
Summa xiij £ xviij s . vi d .
.
.
084
Item des satersdaghes na sinte Michiels daghe was Bernd te Diemerdam jeghen smale Ghisen ende sine hulpers die mit hem verdreven waren
ende verterde xv s.
.
.
085
Item des manendaghes , des dinsdages ende des woensdages na sinte Reymeis dach doe die van Goyland gheweret hadden des heren boden mit wapender hand , maechghelt vut te panden , doe voer Bernd daer mit xviij mannen ende pande vut dat maechghelt
ende verterde mitten scoute ende mitten scepen v £ xvij s . iij d .
.
.
086
Item ter selver tijt bleef daer die Gruter , Peter Hoechvliet ende Lubbrecht die Vegher mitten scepen vort vut te panden datter after bleef,
ende verterden daer des donresdages , des vridages ende des satersdages xxi s . ix d .
(terselver, afterbleef)
.
087
Item des vridages na sinte Victoers daghe sende Bernd Ghisebrecht vten Wilghen t Amestelredamme , daer Claus vte Holland claghede sinen ander claghe mit sire leemte ende mit sinen coerwonden ,
ende verterden vii s . ix d.
(Victorsdaghe)
.
088
Item des satersdaghes na der Elfdusent Magheden dach was Bernd tot Vtermere ende seide ene zoene van scele Lubbrechts soens coerwonde ,
verterde hi x s . vi d .
(Utermere)
.
089
Item in sinte Symon Juden avonde ende sinte Symon Juden daghe was Bernd tot Amestelredamme ende ontfenc die borghe van Claus vte Hollant tots heren behoef an den here te bleven van sire leemten ende sinen coerwonden ,
ende verterden xxvij s.
(tot ’s heren)
.
090
Item enen scute daer men vut royet mit x riemen mit horen x riemen
iiij £ xvij s .
.
.
091
Item op sinte Willeborts nachte voer Bernd mit enen cogge vol luden te Keulen ende sochte Lude Thims die hi gherne ghevangen hadde ende en vantem niet ,
daer verterde hi xxx s.
(Smit leest Kevlen & geeft aldus Keveren1), lude thuus, vanter)
(voetnoot Smit: 1) Vgl. Keverdijksche polder bij Naarden.)
.
.
Summa xvi £ vi s . iij d .
.
.
092
Item van den soenendaghe vor sinte Marien Magdalene daghe tot sinte Martins daghe in den winter , dat is xvi weken v daghe ,
lach Bernd mit hem sesten tot Thomas Sluters
elken man daghes van xij d . ,
dat is die weke xlij s .
ende dese summe doet xxxv £ ij s .
Hier en binnen was Bernd also vele binder baeliuscap ,
dat van den coste ghecost wart x £,
so blivet dese summe xxv £ ij s.
(hem sesten, Smit leest hemselven, coste ghecost wart, Smit leest coste ghecort wart)
.
.
Summa xxv £ ij s .
.
.
093
Item des manendages na sinte Martins dach was Bernd up Eppensloet jeghen smale Ghisen ende ontfenc daer die borchtuchte alse an myn heren te bliven van Diderics dode van Cleve , ende voer vort op Amestelredam
ende verterde xxvij s . vi d.
.
.
094
Item ter selver tyt sende Bernd Peter Hoechvliet , den Gruter ende sinen clerc te Narden te spreken jeghen die van Narden , of si myn heren den biscop verborghen wilden sulke broeke alsi hadden misdaen jeghen den here van Arkel ende sinen knapen ,
verterden si xiiij s .
(terselver tijt)
.
095
Item des vridaghes na sinte Martins dach was Bernd te Muden jeghen die ghene die zoden ghesleghen hadden in mijns. heren uterdyc ,
verterde hi xv s.
(uterdijk)
.
096
Item des sonnendaghes vor sinte Katerinen dach was Bernd te Narden en leyde daer vredeloes Lambrecht ende Peter Herman Strucs ij soenen ,
ende verterde xix s . vi d .
(Lambrecht ende Peter, Herman Strucs)
.
097
Item des manendages na sinte Katerinen dach was Bernd op die Loesdrecht te dinge
ende verterde xviij s . vi d .
.
.
098
Item ter selver tyt sende Bernd Peter van Hoechvliet ende den Gruter in Goyland te panden tghelt van den anderen daghe van den doden wive , ende panden daer des dinsdaghes , des woensdaghes ende des donresdaghes , werde pande mit wapender hant Everart Struuc ,
daer verterden si mitten scoute ende scepen die mit hem ghingen panden xxviij s . ix . d .
(terselver tijt, ’t ghelt)
.
099
Item des manendages vor sinte Niclaes dach voer Bernd mit xx mannen in Goyland ende pande Everart Struuc of sijn maechghelt ende sine boeten die hi verboerde , omdat hi pande ghewert hadde mit wapender hant ,
ende verterden xxxvij s . vi d .
(Niclausdach)
.
100
Item des donresdaghes na sinte Niclaus dach was Bernd mit xl manne te Wesepe jeghen die van Diemen alse die te besculden van heren broken
verterde hi xlvij s .
(heren, Smit leest horen)
.
101
Item ter selver tyt enen bode die ghinc tot alsteen ende tot Dideric Haghen , dat si mit hem brochten die scepen te Wesepe over dat daghedinge dat Bernd hadde teghen die van Diemen
xviij d.
(terselver tijt, Alsteen)
.
102
Item enen bode te Muderberghe ende te Narden om die selve orbare an die scouten
xviij d .
(dieselve)
.
103
Item ter selver tyt sende Bernd Henric sinen broeder ende Ghisebrecht vten Wilghen tot Amestelredamme alse om Didekens Mercemans goet te eyghen vor dat ghelt dat hi den here sculdich was ,
verterden si xij s .
(terselver tijt, mercemans)
.
104
Item des woensdaghes na sinte Lucien dach was Bernd te Narden , ende seghede daer die zoene van Hanneken Zivarts soen , om dat hy torf wech voerde over beset ,
verterde hi xxv s.
(omdat) vergelijk № 76
.
105
Item des manendaghes vor sinte Thomas dach was Bernd te Hilvercem ende venc den coster van Lare , omdat hi vacht ,
verterde hi vij s .
(Thomaesdach)
.
.
Summa xij £ xiiij s. ix d.
.
.
106
Item des manendages na Jaers daghe ende des dinsdages waren Bernds knapen in Goyland alse vut te panden t leste ghelt van den doden wive ,
verterden si mitten scoute ende mitten scepen xxvij s . vi d .
.
.
107
Item des woensdages nae Jaers dach was Bernd in Bindelmerbroec ende venc daer lude vut Sueders gherechte van Apequoude ende ander luden vten lande van Amestel ende reet vort te Wesepe ,
ende verterde xxvi s .
.
.
108
Item in dertien avont was Bernd te Narden ende seide daer die zoene van Lammeken den hoecmaker van sire coerwonde ende
verterde xxi s . iij d .
(Dertienavont)
.
109
Item des satersdages na dertien dach sende Bernd Henric sinen broeder mit xl manne ant Gheyne ende sochte Hoghe Teden ende sinen soene die vorvluchtich waren , ende namen doe sijn goet , omdat hi hout hadde ghehouwen in den broecke ,
verterden si xxxi sc .
(Dertiendach ,an ’t, hoghe)
.
110
Item des manendages na dertien dach was Bernd te Wesepe te dinge
ende verterde xvij s . vi d .
(Dertiendach)
.
111
Item des donresdages na dertien dach was Bernd te Loenen ende dede die scepen van der Loesdrecht ordeel vten die si lange hadden onder ghehad ,
verterde hi xiij s . vi d .
(Dertiendach, onderghehad)
.
112
Item des donresdaghes na sinte Agnieten dach was Bernd te Muden jeghen enen man van Kunre te dingen van enen scepe dat hem ontdreven was ,
verterde hi xv sc .
.
.
113
ltem des satersdages vor onser Vrouwen lichtmisse was Bernd te Wesepe om enen vrede te maken tuschen die van Diemen ende Arnout Scalen horen scoute ,
verterde hi xij s . iij d .
(Lichtmisse)
.
114
Item des eersten satersdages in die vasten was Ghisebrecht vten Wilghen te Wesepe alse te dingen jeghen Gherart Hasart omdat hi te late quam tere lantghifte , daer quamen die van Diemen mit wapender hand buten vrede , die Ghisebrecht vten Wilghen keren dede , dat se niet en vochten op Arnout Scalen noch op sinen hulpers ,
ende verterde mitten ghenen die hem daer toe hielpen xiij s .
(hielpen, Smit leest hulpen)
.
115
Item des manendages ende des dinsdages vor sinte Peters dach cathedram was Bernd tot Amestelredamme om banne in te pande ende ordele doen te vten die lange ghestaen hadden in steden ,
verterde hi xxviij s.
.
.
116
Item op sinte Mathies avond was Bernd ter Ouder Amstel ende seide daer ene zoene tuschen Jan Ruschen ende Jacob Ludolfs soen , omdat si op den Zeedyc vochten ,
verterden si xxiiij s . vi d.
(zeedijk)
.
117
Item op sinte Mathijs dach was Bernd te Wesepe ende waende daer ghevangen hebben Alebrecht Goyers soen , omdat hi vule botter ter market brochte tUtrecht ,
verterde hi xix s . vid .
.
.
118
Item des satersdages vor midvasten sende Bernd Henric sinen broeder mit xlv manne ende venc Alebrecht Goyerssoen , omdat hi ontvlo sire vulre botter tUtrecht ,
ende verterde xliij s .
des betaelde Alebrecht selve xxx s .
so bleefs xiij s ,
(Midvasten)
.
119
Item des manendaghes na midvasten sende Bernd Henric sinen broeder mit xl manne te Narden om die lude die daer ghevangen waren die dene den andren an ghesproken hadde van dootslaghe ende v knapen die se hoeden iij daghe te Narden ,
van coste lvi s . viiij d .
(Midvasten, d’ ene)
.
120
Item des donresdages vor Palme was Bernd tOuder Amestel , daer claghede Gherart die Zale met ere coerwonde ,
verterde hi xxij s.
.
.
Summa xvij £ ix d .
.
.
121
Item in jaren ons Heren dusent drie hondert ende sesse in die marct van Amestel te hoeden ,
verterde Bernd ix £ v s . vi d .
.
.
122
Item Lambrecht Spiker tot sire zoene te helpe van den wive die hi scoet mit Willem van Cleve in der meente in des biscops dienst ,
x £ , die myn here die biscop te Zulen beval selve te gheven .
.
.
123
Item mins heren biscops cost tot Amestelredamme doe die van den Damme myn here den wyn gaven iij £ ende vi s .hollantsch ,
die doen an gueden ghelde den ternoys vor xij d . , iiij £ , xix s . ,
des ontfenck Bernd weder van den wine die daer bleef, ij £ x s . iij d . ,
so blefs ij £ viij sc . ix d . , die Bernd vut gaf.
(hollantsch, Smit schrijft Holl., So)
.
124
Item sende myn here die biscop Bernde te ij stonden te Nien Vene ter kerke in Holland om ene zoene te maken tuschen heren Dideric van Outshorne op die ene side ende die van Amestelreland up die ander side ,
verterde hi xxv s . iij d .
(te 2 (sic!) stonden te Nieuvene)
.
Summa xxij £ xix s . vi d .
.
.
125
Item van voeder coren dat Bernd vervoedert hevet mit sinen perden te Vredeland , vander tyt dat hi baeliu ghemaket wart , dat was in den jaer ons Heren dusent drie hondert ende vive , op sinte Willeborts dach , toter tyt dat die here van Arkle van den huse voer van Vredeland , dat was in den jaer ons Heren dusent drie hondert ende sesse , des soenendaghes vor sinte Marien Magdalenen daghe,
c mudde haveren ende li mud de haveren , de mudde xxvij d . ,
somme hier of xvi £ xix s . ix d.
(voedercoren, van der tijt, toter tijt)
.
126
Item Splinter Bloc van grase x s .
.
.
Summa xvij £ ix s . ix d.
.
.
127
Item binnen der tyt dat myn here die biscop te Zulen lach ende hi Bernd ontboden hadde alse die lude te warven van Midrecht van Gherart Ments suster dode , ende die van Goyland van den doden wive , ende Didekin die merceman van Amestelredamme ende ander orbare die hem myn here bevolen hadde ,
verterden Bernds knapen mit sinen perden in die herberghe v £ xvij s .
(tijt)
.
128
Item enen knecht die coen dreef te Zulen die de van Amstelredamme myn here gaven ,
ij s .
.
.
129
Item in tueen reysen doe myn here die biscop ten parlemente reet jeghen den grave van Ghelre inder Noede ,
verterden Bernds knapen mit sinen perden in die herberghe xlv s .
(in der)
.
130
Item enen bode dien myn here sende om die tuee baeliuwen van Waterland , Claus den Gribber ende Claus die Wael , dat si tot hem quamen tot Amestelredamme, te sciphure
ende te coste v s.
.
.
131
Item des anderen satersdages na sinte Lambrechts daghe sende Bernd den Gruter sinen knapen na min here den biscop te Dordrecht, om die brieve van Heyne Wiben soens doot , ende hoe men varen soude van der zoene van den doden wive in Goyland ,
verterde hi in iiij daghen xij s .
.
.
132
Item was Bernd ghevaren tUtrecht jeghen heren Henric den deken , heren Florans ende jeghen Heymeric van den Rine, te spreken hoe men best mit redene varen mochte van der borchtuchte van dien van Narden ,
verterde hi xv s.
.
.
133
Item doe Bernd was ghevaren te Gorenkom an den here van Arkel alse mit hem te spreken wat hem best dochte tuschen sine knapen ende die van Narden , want sys an myn here ghebleven waren ende borghe gheset hadden ,
verterde hi an coste ende an sciphure ij £ .
.
.
134
Item sende Bernt Hughen tot myn here den biscop te Nivel alse te spreken wat hi best dede in den lande went daer suaerlike in stoet ,
verterde hi iij £ xv s.
.
.
135
Item doe myn here die biscop te Dordrecht was in die vasten ende hi Bernde tot hem ontboden hadde ,
verterde hi mit sinen knapen ij £ xvij s . iij d .
(Vasten)
.
136
Item doe min here was ter Niervart in die vasten was Bernd tot hem ghereden alse hem mijn here bevolen hadde te Dordrecht ,
verterden sine knapen mit sinen perden xviij s .
(Vasten)
.
137
Item ter selver tijt gaf Bernd heren Janne van Dordrecht tot mins heren behoef an reden gelde
xxx £ .
(terselver)
.
138
Item iij boden die Bernd sende an heren Hubrecht van Vianen om den vrede te verlengen tuschen die van Cleve ende smale Ghisen ,
ix s .
.
.
139
Item was Bernd ter Niervart alse te spreken heren Hubrecht van Vianen om den vrede tusschen die van Cleve ende smale Ghisen ende hem niet en vant ende sinen boetscap beval heren Hubrechts capelaen ,
verterde hi vi s . iij d .
.
.
140
Item enen bode die Reynaer van Cleve de weten dede dat Ghisebrecht syn broeder den vrede houden wilde ,
xij d .
.
.
141
Item was Bernd ghereden tot Horsevorde jeghen den rechter van Velue ende tote Florans den onledeghen mit xxv manne , alse om ene soene te maken van enen dootslach die ghevallen was tuschen mins heren ‘ s biscops lande ende ‘ s graven land van Ghelre ,
verterde hi in tueen daghen iij £ xvij s . ix d .
(Horsevorde1), Onledeghen)
(voetnoot Smit: 1) De ligging van deze plaats is mij onbekend.Moet men misschien denken aan een streek bij Nederhorst den Berg. thans Dorssewaardpolder, vroeger Horstweerd: Muller, De registers en rekeningen van het bisdom Utrecht, p. 700; Oorkondenboek van het Sticht Utrecht I, 476,481?)
.
Summa liiij £ iij d .
.